Заврши агонијата на македонските пливачи на ЕП во кратки базени

 

 

Заврши настапот за македонските пливачи на Европското првенство во кратки (25.метарски) базени, што се одржува во Копенхаген. 

 

Како и во текот на целото првенство, така и денеска македонските пливачи повторно беа меѓу најслабите. 

 

Ана Јаневска која настапи на 50 метри  слободно, исплива време од 27.06 секунди што беше доволно само за претпоследното 63-то место во оваа дисциплина. 

 

Давор Пертовски пак кој пливаше на трката 200 метри делфин оствари време 2:06.89 минути, што не беше доволно да го избегне последното 42.место. 

 

Инаку на шампионатот на кој учествуваат околу 700 пливачи од 45 држави, Македонија ја претставуваа и Миа Крстевска и Љупчо Ангеловски, кои исто така пливаа во рамките на своите можности, но не доволно да се оствари подобар пласман.