Возило излета од автопатот Тетово-Гостивар, нема повредени

 Возило марка Југо со скопски регистерски таблички изутрината излетало од автопатот Тетово-Гостивар, во близина на тетовската наплатна рампа, по што се превртело. Со возилото управувал 76-годишен скопјанец, а во возилото била и неговата сопруга, кои не се повредени, изјави портпаролот на СВР Тетово, Марјан Јосифоски.

 

Тој посочи дека полицијата извршила комплетен увид по што ќе се утврдуваат причините поради кои дошло до излетувањето.

 

– За среќа нема повредени при излетувањето на возилото. Повикана е Итна медицинска помош, чија екипа дошла на местото, но немало потреба од интервенција. Причинета е само материјална штета, рече Јосифоски.

 

Инаку, тетовската сообраќајна полиција во последната контролна активност завчера за само неколку часа откри 23 возачи кои ја пречекориле максимално дозволената брзина во и надвор од населено место. Тие добиле мандатни платни налози, а паричната глоба, зависно од пречекорувањето, се движи од 20 до 400 евра во денарска противрденост, која може да биде заменета и со впишување на 15 до 65 негативни бодови.