Во тек масовен протест на студентите во Атина

Карантинот и рестриктивните мерки не ги спречија грчките студенти и денеска, масовно, и покрај пандемијата, да излезат на протест во Атина.

Со слогани против новиот закон за образование на Владата, студентите протестираат по централните улици во Атина кон грчкиот Парламент, јави дописничката на МИА од Атина.

Дел од студентите за МИА велат дека нема да се откажат од нивните барања и доколку е потребно ќе продолжат со нивните активности.