Во Скопје вчера девет сообраќајки, двајца пијани управувале возило

Шест лица се здобиле со лесни телесни повреди во пет од вкупно девет сообраќајни незгоди што се случиле изминатото деноноќие на подрачјето на Град Скопје. Во четири сообраќајни незгоди е причинета материјална штета.

Според податоците на МВР, евидентирани се 62 возачи кои се движеле со поголема брзина од дозволената, двајца возачи кои управувале возило под дејство на алкохол, 12 возачи пред да се стекнат со право на управување моторно возило и еден почетник.

Од сообраќај биле исклучени и девет нерегистрирани возила, а со специјалното возило „пајак“ биле подигнати 88 возила.

Во текот на изминатото деноноќие полицијата издала 94 санкции за непрописно паркирање.

Санкционирани се и четири пешаци кои поминале коловоз вон пешачки премин, еден пешак кој поминал коловоз на црвено светло, четири возачи кои поминале крстосница на црвено светло, пет возачи кои не дале првенство на минување на пешаците на обележан пешачки премин, пет за не правилно престројување, три за не правилно престигнување и еден за не поседување пропишана зимска опрема во возилата.

Канзети се и седум возачи за не носење сигурносен појас за време на управување на моторно возило и седум за користење  мобилен телефон за време на управување на моторно возило.