Во Портланд уапсени најмалку 50 демонстранти

Полицијата во Портланд, Орегон уапси најмалку 50 лица кои фрлаа балони со боја и полни конзерви пијалаци врз полицајците по протестите за убиството на Џорџ Флојд.

Властите соопштија дека повеќето од демонстрантите биле мирни, но неколку стотици луѓе се собрале во центарот на градот во саботата навечер, ги турнале оградите и ги гаѓале полицајците.

Двајца полицајци се повредени, а полицијата им нареди на собраните да се разотидат и го прогласи собирот за нелегален.