Во Крива Паланка се собираше помош за настраданите од невремето
Општинските власти од Крива Паланка, политичките партии, бројни правни и физички лица се одзваа на повикот за донации за помош на настраданите во невремето во Скопје.
Акција за помош и собирање средства организираше Унијата на жени при Општинскиот комитет на ВМРО-ДПМНЕ Крива Паланка.
- Хуманоста ја покажаа буквално сите кривопаланчани, кои масовно се одзваа на повикот. Донираа градоначалникот, претседателот на Советот, но и голем број граѓани од приватниот сектор и физички лица. За три часа, колку што траеше акцијата, од 18 до 21 часот собрани се големи количини вода во шишиња, средства за хигиена и парични средства, она што во овој момент им е најпотребно на настраданите, изјави Елена Митовска – Давидовска, претседател на УЖ на ВМРО-ДПМНЕ од Крива Паланка.
Таа изрази сочувство до семејствата на сите настрадани во катастрофалното невреме.
- Големо жалење до сите семјства, сочувство до семејството Велиновски до Крива Паланка, кое во оваа непогода трагично ги изгуби двата члена, мајка и малолетен син, додаде Митовска – Давидовска.
Во приправност се екипите на Дирекцијата за заштита и спасување од Крива Паланка, Територијалната противпожарна единица, како и тимот за одговор и дејствување при катастрофи при Општинската организација на Црвен Крст Крива Паланка, кои како што информираа, се во постојана координација со Националното координативно тело.
Ново на Сител
-
Демири го разреши само медицинскиот директор на Токсикологија, но не и Бесија Иљази
-
Отворен Центар за поддршка и советување на момчиња и мажи
-
ДИК прифати 7 приговори - Ќе се прегласува во Крушево, Охрид и Желино
-
Дом за стари лица во Прилеп инсталираше фотоволтаични панели
-
Преглед на вестите од светот
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица