Во Битола тешко повреден велосипедист откако во него удрил „цитроен“

Вчера во 14.30 часот во СВР Битола било пријавено дека патничко возило удрило во велосипедист при што, велосипедистот се здобил со тешки повреди.

Како што соопштува МВР, несреќатасе случила на ул.„Батаљон Стив Наумов” во Битола, каде „цитроен“ со битолски таблички управувано од 29-годишниот А.Г. од Битола удрило во 52-годишниот С.Г. кој управувал со велосипед.

„Во несреќата, велосипедистот се здобил со тешки телесни повреди, констатирани во Клиничка болница Битола. Увид на местото извршила увидна екипа на СВР Битола“, се вели во полицискиот билтен.