Во Битола се одбележува Денот на албанската азбука
Централна свеченост по повод 107- годишнината од формирањето на албанската азбука, ќе се одржи вечер во Битола.
Како што е познато, на 22 ноември 1908 година, во градот под Пелистер, група албански интелектуалци од регионот, на познатиот Битолски конгрес донесоа одлука за утврдување и усвојување на албанската азбука.
- Деновиве одржавме повеќе пригодни манифестации, научни трибини и средби посветени на големиот празник. Во Музејот на албанската азбука-Битола престојуваа бројни гости од Македонија, Албанија, Косово и други држави во регионот кои ја погледнаа постојаната изложбена поставка, публикациите и фотографиите од далечната 1908 година кои сведочат за одлуката на албанските интелектуалци. Токму во нивна чест ќе бидат изработени восочни фигури – проект кој е во завршна фаза и е поддржан од Владата на Република Македонија, истакна во пресрет на вечерашниот настан, Нуер Арслани, директор на НУ Музеј на албанската азбука-Битола.
Според програмата, вечер во големата сала на НУ Центар за култура-Битола, по пригодните обраќања, ќе се одржи целовечерен концерт на албанската филхармонија од Тирана која ќе настапи под диригентство на маестро Едмонд Доко.
Согласно Законот за празниците на РМ, 22 ноември Денот на албанската азбука, е неработен ден за припадниците на албанската заедница во Република Македонија.
Ново на Сител
-
Меркел призна дека заразата им се измолкна од контрола
-
Две лица возеле со брзина од над 70 км на час над дозволеното на автопатот Скопје - Тетово
-
Флорида понуди да биде домаќин на Олимпијадата 2020 година наместо Токио
-
Стар документарец покажа загрижувачка состојба со вирусите во лабораторијата во Вухан
-
Оксфам: Десетте најбогати луѓе би можеле да купат вакцини за сите
-
Дмитрев: Вакцината „Спутник V“ наскоро ќе биде одобрена во 25 земји
-
Вакцината на „Модерна“ делува и против новите мутации на Ковид-19, тврдат научници
-
Со изведување дополнителни докази продолжува судењето за „Таргет-Тврдина“