Влатко Стојанов го фати светиот крстот во Велес
Меѓу 49-те православни верници кои денеска влегоа во водите на реката Вардар во Велес под Мало мовче најмногу среќа да го фати крстот имаше 21-годишниот Влатко Стојанов.
Од Мало мовче во Велес светиот чин го изврши митрополитот повардарски г. Агатангел во присуство на бројното свештенство, бројните православни верници и граѓани на Велес и претседателот на Република Македонија Ѓорге Иванов со сопругата Маја.
Младиот Влатко Стојанов кој е невработен и неоженет по крстот во Вардар на овој празник заплива за првпат. Во изјавата за медиумите рече дека е многу среќен што токму тој ја имаше големата среќа да го фати светиот крст.
Стојанов од претседателот Ѓорге Иванов доби на подарок македонски крст со охридски рубин. Од митрополитот Повардарски доби златно крстче, како и многу други податоци од Општина Велес, ЈКП „Дервен“, „Агрија“...
Инаку, во наредните 30-ина денови Влатко Стојанов со својот другар кој со него влезе во водите на Вардар со светиот крст ќе ги посетат домовите на православните верници во Велес.
Празнувањето на Богојавление – Водици во Велес утрово започна со архиерејска божествена литургија во црквата „Успение на Пресвета Богородица“ на која чиноначалствуваше митрополитот повардарски г. Агатангел во сослужение на бројното свештенство од Епархијата и присуство на бројни верници, а на неа присуствуваше и претседателот на Република Македонија Ѓорге Иванов со сопругата.
Ново на Сител
-
За состојбата на државниот буџет - Гостинка во вестите Гордана Димитриевска Кочоска, министерка за финансии
-
Бугарското МНР со порака до Скопје: Процесот на интеграција се заснова на заслуги, посредувањето не е дозволено
-
БиХ брои жртви по катастрофалните поплави
-
Можни ли се поплави во Македонија како во Босна и Херцеговина?
-
Партиски препукувања додека струмичани немаат вода за пиење
-
Тема на денот со Владимир Божиновски, политички аналитичар
-
Клиниките ќе се спојуваат во 2026, Таравари ќе враќа лекари од приватното во државното здравство
-
Бела ноќ со француската атракција групата „Кидам“ со уличниот спектакл „Сонот на Еребер“