Владина делегација оддаде почит пред споменикот на св. Кирил и Методиј во Скопје
Во пресрет на 24 Мај - Денот на сесловенските просветители Свети Кирил и Методиј, владина делегација предводена од министерката за животна средина и просторно планирање Каја Шукова и дополнителниот заменик министер за внатрешни работи Митко Бојмацалиев денеска положи цвеќе пред споменикот на Свети Кирил и Методиј, на платото пред Универзитетот „Св. Кирил и Методиј“ во Скопје.
Владината делегација, како што стои во соопштението од владината прес-служба, оддала почит на просветителското дело на светите браќа кое е од темелно значење за македонскиот јазик, идентитет и култура.
- Владата во изминатите години со низа активни политики го заштити и унапреди македонскиот стандарден јазик, обезбедувајќи го неговиот континуитет. Од пред две години, македонскиот јазик е на рамноправно рамниште и со официјалните јазици во институциите на Европската Унија. И во оваа насока, Владата го потенцира значењето на мудрите и проактивни политики, со цел натамошна афирмација и интеграција на македонскиот јазик, идентитет и култура, во демократските семејства на јазици, народи и култури, се вели во владиното соопштение.
Ново на Сител
-
Курти утре во Скопје на средба со Мицкоски
-
Мицкоски: Нема да дозволиме дестабилизација на државата
-
Продолжува битката со огнените стихии - Активни се пет пожари
-
Со два хеликоптери се гасат пожарите во охридските села
-
ВМРО-ДПМНЕ бара јавните обвинители да отворат истрага за пругата кон Бугарија
-
Онкологија бара околу 40 вработувања на неопходен кадар
-
Плажите преплавени со капачи а голем дел небезбедни
-
Дигитализација на македонското земјоделско производство