Вицепремиерот Пешевски во работна посета на САД
Вицепремеирот за економски прашања, Владимир Пешевски од денеска е во неколкудневна работна посета на Соединетите Американски Држави.
За време на посетата, информираат од неговиот кабинет, вицепремиерот Пешевски и економскиот промотор во САД, Дејан Величков, ќе остварат директни средби со високи преставници на десетина компании од сојузните држави Илиноис, Висконсин и Индијана.
Компаниите со кои ќе се остварат работни средби се од областа на автомобилската, авио и медицинската индустрија, производство на делови за индустриски погони, аутсорсинг услуги и други. Станува збор за реномирани компании, помеѓу кои се и компании од Fortune 500 листата.
- На средбите подетално ќе се презентираат можностите и поволностите за инвестирање во Република Македонија. Со дел од компаниите разговорите се веќе во понапредна фаза на договарање и постои можност некоја од компаниите официјално да го објави нивниот инвестициски проект во Република Македонија, велат од кабинетот на Пешевски.
Република Македонија, додаваат, е особено интересна дестинација за американските компании и на нашиот пазар веќе се присутни светски познати компании како што се Џонсон Контролс, Кемет Електроникс и Амфенол.
- Доказ за одличната соработка и големиот интерес на американските компании да инвестират во земјата е и денешното отворање на новата фабрика АРЦ Аутомотив Македонија, инвестиција на американската Кап Кон од 18 милиони евра во која се најавени 400 нови вработувања, потенцираат од кабинетот на Пешевски.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово