Вердиевата „Аида“ за затворање на 44. Мајски оперски вечери
Традиционално со изведба на Вердиевата „Аида“ вечер ќе бидат затворени 44. Мајски оперски вечери. Ќе настапи интернационална солистичка екипа во која насловната улога ќе ја игра првенката на Македонската опера и балет Весна Ѓиновска-Илкова.
Во операта учествуваат и Дина Хамзина од Казахстан (Амнерис), Рубенс Пелицари од Италија (Радамес), Игор Дурловски во улогата на Рамфис, Марјан Јовановски како Амонасро, Кацухиро Котецу од Јапонија (Фараон), Надежда Рубен (Голема свештеничка), Марјан Николовски (Гласник). Режисер е Дејан Прошев, а диригент Иво Липановиќ од Хрватска.
Мајските оперски вечери почнаа на 9 мај со премиера на операта „Евгениј Онегин“ според поемата на Александар С. Пушкин, музика на Петар Илич Чајковски и во режија на Дејан Пројковски.
На програмата на годинашниот фестивал беа 15 настани, од кои десет за возрасна публика, а пет во придружната едукативна програма Мали мајски оперски вечери.
Покрај двете изведби на „Евгениј Онегин“, годинава на МОВ беа уште четири оперски претстави: „Риголето“, „Хофманови приказни“, „Турандот“ и „Аида“. Годинава имаше и две балетски претстави - „Лебедово езеро“ и современиот балет „Заспаните убавици“, како и два концерта - на хорот од Белград „Вива вокс“ и гала-концерт на тројца контратенори.
Малите мајски оперски вечери, наменети за најмладите, се одржаа од 15-ти до 29 мај, со пет претстави: премиера на операта за деца „Црвенкапа“, детските балети „Доктор Офболи“ и „Петар Пан“ и концертите на детскиот хор „Отрада“ од Русија и на детскиот хор на МОБ „Фалсето“ кој по неодамнешното формирање првпат јавно настапи на овој фестивал.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ