Ураганот Доријан удри на Бахамите ,загина 8 годишно момче
Најмалку една жртва, откорнати дрвја, уништени куќи и деловни објекти, населби без електрична енергија и поплави зад себе остави Доријан, најсилниот ураган што некогаш ги погодил Бахамите. Сега најважно е да се задржи оптимизмот, сметаат некои од жителите .
- Во 2004 година кога го имавме ураганот Френсис, поминавме низ последиците од 10 недели без електрична енергија, вода и други нешта, и знаеме како тоа изгледаше, но ние повторно изградивме и повторно ќе градиме, вели жител на Бахамите.
Доријан на островската држава удри со силина од петта категорија.Донесе високи бранови, обилни дождови и ветрови со јачина и до 300 километри на час. Во невемето загина осумгодшно момче. Бројот на жртви според премиерот може да се зголеми.
- Можам да им кажам само, дека се надевам дека ова не е послден пат кога ќе го слушнат мојот глас. Се соочуваме со ураган,каков што никогаш не сме виделе во историјата на Бахамите. Ова е веројатно најтажниот и најлошиот ден во мојот живот рече премиерот на Бахамите.
Флорида и Јужна Каролина според метеоролошките извештаи се следни на удар на ураганот.
-
Емилија Штерјов
Сите содржини од овој новинар