УХМР: Нестабилно време до сабота
– Периодот на нестабилно време ќе продолжи до сабота – претпладне ќе има сончеви периоди, а во попладневните и вечерните часови наместа пороен дожд и грмежи. Според прогнозата на Управата за хидрометеоролошки работи, локално ќе има поинтензивни процеси во форма на невреме со пообилен дожд, силни електрични празнења, силен ветер и појава на град.
-Од недела услови за нестабилност ќе има претежно во западните делови, освен во понеделник кога ќе биде нестабилно на повеќе места во земјата. Од сабота дневната температура постепено ќе се покачи, соопшти УХМР.
Во изминатите 24 часа најмногу дожд, 35 литри на квадрат, навранало во Тополчани, 26 во Струмица и Крушево, 25 на мерна станица Пожар, 22 во Гевгелија и Прилеп, 21 во Тетово, 19 литри на квадратен метар во Дебар, 16 во Демир Капија, 14 во Битола, 13 во Штип, 12 во Пожаране, Скопје – Зајчев Рид и на Попова Шапка, девет во Куманово, осум во Маврово, седум во Берово, шест во Охрид, три во Виница, два литра на квадрат дожд се измерени во Скопје – Петровец, Крива Паланка и Претор.
Времето до крајот на денов ќе биде променливо облачно, на повеќе места и особено во јужните делови ќе
биде нестабилно со пороен дожд, грмежи и засилен ветер. Локално ќе има појава на краткотрајно невреме со пообилен дожд, силни електрични празнења, силен ветер и услови за појава на град. Максималната температура ќе биде во интервал од 25 до 31 степен. Слично време и во Скопје каде што температурата ќе достигне 30 степени.
Ново на Сител
-
Детали за големата полициска акција во тетовско и Охрид | ВИДЕО
-
Град Скопје: Аплициравме со 20 проекти, но ни за еден не добивме пари
-
МАНУ: Во Македонија, како и во земјите во регионот и во светот, постои само една национална академија
-
Кривични против цариник и радовишанец
-
Се тепале две семејства во Штип, кривична заработија 21 лице
-
Нападнат ученик во училиштен двор
-
Трамп повторно тврди дека мигрантите од Хаити јадат домашни миленичиња
-
Орбан за планот на Зеленски: Тоа е повеќе од страшно