Тројца малолетници затекнати во угостителски објекти во полициска контрола во Тетово
Тројца малолетници биле затекнати во угостителски објекти по 23 часот за време на синоќешната акциска контрола што ја спроведе полицијата на територијата на Тетово.
Портпаролот на СВР Тетово Марјан Јосифовски информира дека целта на акцијата била да се открие присуство на малолетници во објектите, дали им се точи алкохол или дали евентуално им се овозможува употреба на наркотички средства.
При контролата во трите објекти на улиците „Јане Сандански“, „Борис Кидрич“ и „Благоја Тоска“ имало вкупно 49 лица од кои тројца биле малолетници.
Јосифовски најави дека по документирање на случаите против сопствениците на трите угостителски објекти ќе следуваат соодветни санкции и пријави.
Во следниот период, како што посочи Јосифовски, ќе продолжат акциските полициски контроли за да се спречи девијантното однесување како на малолетниците, така и на сопствениците на угостителските објекти во тетовско. ас/бак/16:39
Ново на Сител
-
Поништена акредитацијата за Универзитетот на Мерко
-
Костадиновски се сретна со Силвестри
-
Од полноќ поскапуваат горивата
-
Најтопло во четврток, петок и сабота со температури до 39 степени
-
Струмичанец со тројца малолетници нападнале брачен пар во нивниот дом, го повредиле сопругот со остар предмет
-
Миле Јанакиески излегува од затвор
-
Петок пред Духовден, 21 јуни, неработен ден за граѓаните од православна вероисповед
-
Претрес во Битола, пронајдена дрога, приведено едно лице