-->
-->
Тилерсон му се закани на Ким: Продложи со ваквата политика и ќе те нападнеме
-->
Одбивањето на Северна Кореја да преговора за прашањето за нејзината нуклеарна програма, која претставува се поголема опасност за САД, би можело да доведе до воен одговор, предупреди американскиот државен секретар Рекс Тилерсон.
– Сите ние треба да бидеме многу трезвени и реални во оваа ситуација, посочи Тилерсон, во однос на тоа дали САД треба да бидат загрижени поради можна војна.
Државниот секретар на САД, истакна дека Северна Кореја продолжува да остварува напредок во нејзиното атомско вооружување, преку нуклеарните тестирања и изработката на интерконтинентални балистички ракети.
– Мораме да препознаеме дали заканата е се поголема и доколку Северна Кореја не го одбере патот на соработка, дискусија и преговори, тогаш таа сама ќе ја покрене воената опција, посочи Тилерсон.
Неговата изјава следеше по состанокот на министрите за надворешни работи на 20 земји во Ванкувер, каде се рзаговараше за проблемот на Корејскиот Полуостров.
На состанокот, Тилерсон потенцираше дека Администрацијата на американскиот претседател Доналд Трамп трага по дипломатско решение за нуклаарниот спор, додавајќи дека Северна Кореја допрва треба да се покаже како „кредибилен преговарачки партнер“.
На средбата во канадскиот град Ванкувер, како што јави МИА, беше договорено да се разгледаат понатамошни санкции против Пјонгјанг, построги од оние во резолуцијата на Советот за безбедност на ОН.
При дискусиите за севернокорејските нуклеарни и ракетни програми, беше искажана поддршка на дијалогот меѓу двете Кореи и беше изразена надеж дека тоа ќе доведе до трајно намалување на тензиите.
Без да бидат наведени детали, во завршниот документ од средбата се наведува дека учесниците се согласиле „да размислат и да спроведат чекори за воведување еднострани санкции, но и да се преземат дипломатски активности кои одат подалеку од барањата во резолуциите на Советот за безбедност“.
-->
-->
-->
Ново на Сител
-
Невреме со силен ветар, дожд и град попладнево го зафати кумановскиот регион
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Тема на денот со Миле Маркоски декан на ФЗНХ
-
Приватните специјализанти уште еднаш потсетија за нивните барања за поголеми плати и осигурување
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника