СЗО: Нов рекорд, за една недела заболени 4,6 милиони луѓе во светот

Повеќе од 4,6 милиони нови случаи на коронавирус се потврдени во светот минатата недела, што е највисок број од почетокот на пандемијата, објави Светската здравствена организација (СЗО).

Според СЗО, од 14 до 20 декември во светот биле регистрирани 4.612.790 новозаболени со коронавирус, а како резултат на вирусот починале 79.001 лице.

Повеќето од новозаразените се регистрирани во Северна и Јужна Америка, повеќе од 2,3 милиони.

Во исто време, Европа имаше најголем број на смртни случаи минатата недела – повеќе од 36.000.