Столтенберг предупредува: Руските ракети можат да ги погодат европските градови за миг
Генералниот секретар на НАТО, Јенс Столтенберг предупреди на опасноста од ракетите што ги развива Русија и кои можат за „многу кусо време“ да ги погодат европските градови.
Изјавата на Столтенберг доаѓа ден пред почетокот на состанокот на министрите за надворешни работи на НАТО на кој сојузниците ќе разговараат, меѓу другото, за нуклеарната спогодба за ракети од кус и среден дострел, кој го прекршува Русија, и од кој САД најави дека ќе се повлече.
Според него, овој договор е „ставена во опасност“ од страна на Русија.
– Русија разви, произведе и распореди нова ракета, таа е мобилна и тешко се детектира, нуклерано е способна и може да ги погоди европските градови за кусо време и без предупредување, изјави генералниот секретар на НАТО.
Столтенберг уште еднаш побара од Москва да се усогласи со нуклеарната повелба на транспарентен и проверлив начин.
– НАТО бара од Русија да ги ослободи украинските морнари и бродови и да овозможи слобода на поморскиот сообраќај, порача Столтенберг.
Министрите утре вечер ќе разговараат и за состојбата на Блискиот Исток, а в среда ќе се одржи дискусија за Западниот Балкан во присуство на високата претставничка за надворешни политика и бебзедност на ЕУ, Федерика Могерини.
– Регионот е од клучна стратешка важност за НАТО и за ЕУ, истакна Столтенберг.
Ново на Сител
-
Тема на денот со Тимчо Муцунски, потпретседател на ВМРО-ДПМНЕ
-
„Македонија во чест на Свети Кирил“ - Претседателката се сретна со Папата
-
Македонците се условени да прифатат диктат откажувајќи се од самите себе, вели историчарот Панов
-
Преговорите за Влада во напредна фаза се уште нема конечен договор за Министерствата
-
Македонија во фокусот на грчката јавност
-
Продолжува хаосот на хирургија - 6ти ден не работат операционите сали
-
57 вработени на Токсикологија бараат одговорност од организациската директорка Бесија Иљази
-
Импровизираниот луна парк се уште не се демонтира - На потег УЈП и ДПИ