Се продлабочува австралиската криза за двојните државјанства

Кризата поврзана со државјанствата, што ја погоди Владата на австралискиот премиер Малком Турнбул, денеска се продлабочи откако пратеничката Џеки Ламби, беше принудена да го напушти Парламент. 

Централно десничарската Влада на Турнбул, веќе го изгуби мнозинството во Парламентот, бидејќи остана без четири свои, од вкупно осум, пратеници кои се исфрлени или го напуштиле Парламентот во текот на изминатите недели бидејќи имаат двојно државјанство. 

Двојното државјанство е забрането со австралискиот Устав, се цел да се спречи пристрасност. 

Ламби, независната сенаторка за австалиската островска држава Тасманија, денеска потврди дека таа е осмиот пратеник во 226-члениот Парламент што е погоден со законот за двојно државјанство, додека политичките аналитичари предупредуваат дека истото ќе се случи со многумина пратеници.