Се избираат најдобри млади вина произведени во домашни услови
Здружението на македонски винари организира избор на најдобри млади вина произведени во домашни услови, а оценувањето ќе го вршат стручни лица енолози. Од денеска па натаму, сите заинтересирани домашни производители на вино, можат да достават мостри од своето производство и да учествуваат во натпреварот што се реализира во соработка со Земјоделскиот факултет при Универзитетот „Гоце Делчев“ од Штип.
– Настанот е во чест на манифестацијата „Beaujolais Nouveau“ која во светот се празнува од 1937 година и започнува во 00:01 часот секој трет четврток во месец ноември, појасни претседателката Милица Плетварска-Глигорова.
Во изјава за МИА, потпретседателката Елена Богева нагласи дека преку следење на нивните препораки како енолози, од година во година се зголемува квалитетот на вината произведени во домашни услови.
– Токму тоа ни е и целта, како винска земја да имаме што е можно поголем квалитет на винското производство и повеќе мали семејни вински бизниси. Поголемата конкуренција значи и подобар производ, што пак е услов за поголем развој на винарството и винскиот туризам, додаде Богева.
Главниот настан е на 21 ноември во ресторанот „Сино“, кога ќе бидат доделени наградите за најдобрите вина. Сите учесници имаат можност за презентација, а ќе можат и да се дегустираат сите пријавени мостри.
Истовремено најавена е и промоција на книгата „Каде што реката го бакнуваше небото“ од Билјана Тинтоска, за првиот дипломиран македонски енолог во Полска.
Ново на Сител
-
Тема на денот со генералниот секретар на СДСМ, Александар Димитријевиќ
-
17 уапсени за инцидентите
-
ДУИ бара интерпелација на Тошковски - СДСМ лидерска средба
-
Разбојниците вчера од продажен објект на градскиот стадион одзеле 10.000 евра, но на излегување биле уапсени од ЕИП
-
Мицкоски за обвинителите: Нема веќе трпение
-
Приватните превозници се откажаа од блокада, утре продолжуваат да возат
-
Од Нова Година чоколадото ќе биде луксуз, поскапуваат и други берзански производи како маслото и шеќерот
-
Жртвите на семејно насилство во Струмица добиваат куќа за отворено домување