СДСМ: ВМРО-ДПМНЕ продолжува да не влегува во собраниска сала секогаш кога на дневен ред закони во интерес на граѓаните
ВМРО-ДПМНЕ се изгуби во својата влези-излези партиска математика, пратениците од опозициската партија избегаа кога сфатија дека ќе направат кворум за закони за кои биле против.
Познато е и многу пати докажано дека пратениците од ВМРО-ДПМНЕ бегаат од собраниската сала секогаш кога треба да се гласаат закони кои се од интерес на граѓаните.
Со месеци го кочеа донесувањето на мерките за поддршка на компаниите и на граѓаните погодени од коронакризата, сакаа да блокираат милијарди денари да не стигнат кај народот.
Не учествуваа на 32-та седница кога се носеше Национална стратегија за антикорупција и кога се носеа закони за вакцините и за животна средина.
Меѓутоа денеска изгубени во нивните партиски математики, не сфатија дека влегле во сала за гласањето на законот со кој се усогласува праведноста на даноците за сопствениците кои имаат повеќе станови кои не ги користат, кои имаат и втор и трет стан, базени и земјишта како нивниот ментор Груевски, па им текна отпосле, па повторно избегаа од собраниската сала.
Имено пратениците од ВМРО-ДПМНЕ влегуваат во Собранието кога треба да си го евидентираат присуството, за да земат плата и дневници, а излегуваат кога треба да се донесат законски решенија во интерес на граѓаните и на државата, како што беа Законот за данок на имот и усогласувањето на Законот за прекршоци кои беа на дневен ред денеска.
ВМРО-ДПМНЕ уште еднаш докажа дека не знае кај тера, го покажа своето деструктивно и ненародно лице, поради што шест пати за четири години губи на избори.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово