СДСМ: Силна поддршка од САД за европскиот пат, само Мицкоски и Апсиев се против ЕУ
Нашата држава добива силна поддршка од најважниот и најголемиот сојузник САД, што беше потврдено и за време на посетата на претседателот на СДСМ и премиер Димитар Ковачевски.
За нас како држава, особено важна е пораката дека САД силно ќе ја поддржат нашата европска иднина, реформите и чекорите за полноправно членство во ЕУ, порака од американскиот државен врв што доаѓа во период кога успешно тече скрининг процесот а потребни се чекори во Собранието за продолжување на преговорите со ЕУ.
И додека поддршката за продолжување на европскиот пат доаѓа од најважните стратешки партнери и сојузници, дома, на македонската политичка сцена против ЕУ се само Христијан Мицкоски и Димитар Апасиев.
ВМРО-ДПМНЕ и Левица се единствените против влез во ЕУ и европската иднина на државата и нејзините граѓани.
Мицкоски, се натпреварува со Апасиев, чиј што заложник е, како да го закочи патот кон ЕУ, а меѓусебно се натпреваруваат кој поголема штета ќе предизвика на државата и идните генерации.
СДСМ заедно со граѓаните, заедно со сите проевропски партии во земјата тоа нема да го дозволи и заедно со граѓаните, со сите проевропски сили ќе ги направиме сите потребни реформи, за да продолжиме по европскиот пат.
Центар за комуникации со јавноста
Ново на Сител
-
Кривична за 78-годишник за мачење животни
-
Почина затвореник од Идризово
-
Поскапува дизелот, цената на бензините останува иста
-
„Визер“: Укинати летови од Скопје кон Келн, Стокхолм и Копенхаген
-
Пукање во Чаир, оштетени возила и куќa
-
Македонското фудбалско дерби Пелистер - Вардар прв пат под рефлектори во Битола
-
Тен Хаг доби отказ во Манчестер јунајтед
-
УХМР: Следните два дена облачно, во среда слаб локален дожд