Фудбал
9. јуни 2016 - 17:27

Родригез ја одложи операцијата на рамото

 
 Дека желбата е поголема од секоја повреда најдобро покажува колумбискиот репрезентативец Хамес Родригез. Иако Родригез има повреда на рамото која ја заработи на првиот меч од Копа Америка против домаќинот САД кој Колумбија го доби со 2:0, а Родригез беше стрелец на вториот гол, фудбалерот на Реал Мадрид, а во дуелот со Парагвај го постигна вториот гол за својата селекција во победата од 2:1. 
 
„За Колумбија ќе играм додека не останам инвалид. За мојата репрезентација сакам да играм во секое време и тоа ме прави среќен, особено кога можам да и помогнам на репрезентацијата“, изјави фудбалерот по мечот со Парагвај.
 
Родригез нагласи дека ништо не може да го натера да се откаже од настапи за репрезентацијата, па дури ни повреда како што ја има, па затоа решил да ја одложи операцијата на рамото по завршувањето на Копа Америка.
 
Ваквата негова одлука сигурно не ги прави среќни раководните луѓе во Реал Мадрид, бидејќи токму за слична ваква ситуација Хамез беше во немилост кај челниците на „кралевите“, кога замина да игра пријателски натпревар за својата земја иако клубот не му дозволуваше.