Раул: Горд сум на моите играчи

Ракометарите на европскиот шампион Вардар вечерва ја постигнаа четвртата победа сезонава. Во Скопје во одличен натпревар беше совладана Барселона со 27:24. На прес конференцијата тренерот на „црвено-црните“ Раул Гонзалез не го криеше задоволството.

- Горд сум на моите играчи, дадоа се од себе. На почетокот на натпреварот не бевме добри, но потоа почна се да функционира како што сакавме. Одбраната 5-1 со Штербик на чело и со Кањелас заврши голеа работа, но целиот тим беше одличен. Малку по малку игравме се подобро, а знаевме дека Барселона е еден од најдобрите тимови.

Вуко Борозан со 6 голови беше најефикасен во редовите на Вардар.

- Благодарност до публиката и до моите соиграчи игравме сите како еден.

Во финишот на дуелот по еден контакт со Валуз настрада носот на Бразилецот Фереира и по дополнителните лекарски прегледи ќе се знае неговата состојба.