Путин: Русија нема да учествува во копнена операција во Сирија
Русија нема да учествува во копнена операција во Сирија, изјави рускиот претседател Владимир Путин во интервју за американските телевизии Си-Би-Ес и Пи-Би-Ес.
- Русија нема да учествува во никакви воени операции на територијата на Сирија или во други држави, засега не планираме такво нешто, рече Путин.
- Сирискиот проблем може да биде решен само со поддршка на сегашните законски државни структури, со тоа што ќе им пружиме помош во борбата против тероризмот и истовремено да се поттикнат на позитивен дијалог со здравиот дел од опозицијата и кон политички промени, додаде рускиот претседател.
Путин нагласи дека активностите на Русија во Сирија се во насока на задржување на власт на претседателот Башар ал Асад.
Тој истакна дека е длабоко уверен оти ако се дејствува во друга насока, односно во насока на разурнување на легитимните структури на власта, ќе се создаде ситуација, која е веќе видлива во други земји, на пример во Либија.
- Слична ситуација имаме и во Ирак, додаде рускиот претседател, кој им порача на сите оние кои бараат повлекување на Асад, тоа барање да го испратат со сирискиот народ.
Ново на Сител
-
Тема на денот со Александар Даштевски, претседател на ДИК
-
БРАКО претстави ново електрично возило за чистење
-
ДИК потврди - Во среда ќе се прегласува на 7 избирачки места
-
ДУИ со предупредувања од Мала Речица
-
Мицотакис со нови закани кон идната Македонска Влада
-
Прва официјална посета на Силјановска Давкова ќе биде во Ватикан и Рим
-
9 месечно бебе донесено во итната помош без знаци на живот
-
Полициска службеничка мамела социјалци за станови