Проект „Со зеленило против загадувањето“ во општина Илинден
На повеќе локации во општина Илинден со засадување садници и озеленување на просторот се реализира еколошкиот проект „Со зеленило против загадувањето“.
Целта е преку озеленување на јавните површини во урбаниот дел на општината да се придонесе за подобрувањето на квалитетот на воздухот, унапредувањето на животната средина, како и подобрување на условите за живеење и квалитетот на живот во локалната заедница. Се озеленуваат површините покрај пешачко-велосипедските патеки и покрај општински улици и патишта, просторот околу домовите на култура, училишните дворови, локалните економски зони, детската градинка, површини околу спортските терени и останати јавни површини.
Од општина Илинден истакнуваат дека заштитата на животната средина како еден од најголемите предизвици на денешницата останува приоритет во нивното работење.
– Грижата за екологијата и здравата животна средина е обврска на секој од нас, па во таа насока одржувањето на озеленетите површини и садниците е грижа и обврска на секој поединец во локалната заедница. Затоа, отворен е повикот на Општина Илинден до сите граѓани, ученици, младинци, пензионери, бизнис секторот, општинските комунални претпријатија, општинската администрација активно да се вклучуваат во реализацијата на еколошките проекти. Секој од нас да даде личен придонес за заедницата, свој придонес во обезбедувањето почист воздух и поздрава животна средина во насока на создавање подобри услови за живеење за нас, но и за идните генерации, соопшти Општина Илинден.
Ново на Сител
-
ОБСЕ/ОДИХР ќе ги соопшти првичните оценки за изборите
-
30 години Тинекс
-
Силјановска Давкова победи во 60 општини, Пендаровски во 3, Османи во 15, Таравари и Димитриевски во по една
-
Силјановска Давкова и Пендаровски во вториот круг претседателски избори
-
Првични резултати на ДИК
-
Норвешка донира 76 возила на македонската Армијата
-
Димитриевски победи во Куманово, Таравари во Гостивар, а Јакимовски загуби во Карпош
-
Пасоши на воено способните Украинци ќе се издаваат само во земјата