Продолжува доделувањето на стипендии и менторската поддршка за учениците Роми
Ромскиот едукативен фонд (РЕФ) од Будимпешта и Министерството за образование и наука ќе продолжат да обезбедуваат финансиска стимулација и менторска поддршка за учениците од ромската етничка заедница во Република Македонија.
- Ова беше договорено на денешната средба помеѓу министерот за образование и наука, Арбер Адеми и претставниците на Ромскиот едукативен фонд кој десетина години е партнер на земјава и придонесува во зајакнувањето на процесот на интеграција на младите Роми во општеството, преку поддршка и помош во нивното образование и реализација на личните и професионални аспирации, соопшти МОН.
Од Министерството информираат дека Адеми изразил задоволство од досегашниот придонес на РЕФ во креирањето и реализацијата на националните образовни политики на земјата, кој го оценил како исклучително висок и посакал да продолжат успесите и позитивните резултати од досегашната соработка.
Со поддршка од РЕФ досега се доделени над 5.000 стипендии на ученици Роми и ангажирани се околу илјади наставници ментори и тутори кои преку дополнителна настава им помагаат на учениците за полесно совладување на материјалот од наставните предмети.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден