Продавачот од „Техномаркет“ бил нападнат во септември – напаѓачите се приведени
Нападот на вработен од Техномаркет кој беше објавен денеска на социјалните мрежи се случил во септември, а двајцата напаѓачи се фатени и против нив е поднесена пријава.
Како што се вели во соопштението испратено од МВР, полициски службеници од единицата за насилен криминал при СВР Скопје по преземени мерки и активности, на 25 септември ги лишиле од слобода Ф.В.(25) и А.Ф.(33), двајцата од Скопје.
Тие се сомничат дека на 20.09.2023 во продажен објект кај арената „Тоше Проески“ физички го нападнале вработениот А.В. од Скопје.
Двајцата биле задржани во полициска станица и во службен разговор со полициски службеници го признале делото. Во координација со јавен обвинител против нив е поднесена кривична пријава, а од страна на судија на претходна постапка определена им е мерка домашен притвор, соопштиле тогашаш од МВР.
Од Министерството за внатрешни работи апелираат да не се шират лажни вести.
-Расчистен е нападот во Техномаркет, насилниците се приведени пред месец ипол ! Апелираме да не се шират лажни вести кои имаат за цел да ги вознемират граѓаните, велат од МВР.
Ново на Сител
-
Македонските компании не знаат за ЕУ стандардите
-
Преглед на вестите од светот
-
Производителите на пченица бараат повисоки откупни цени – откупувачите не даваат
-
Тема на денот со Горан Благоев, верски аналитичар и историчар од Софија
-
Коце Трајановски нов директор на Државни патишта, СДСМ критикува
-
Чибишев и поднел пријава на Бесија Иљази зошто незаконски им исплатила 650.000 денари на договорците
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право