Пожар во складиште за батерии во Калифорнија, илјадници евакуирани
Илјадници луѓе се евакуирани, а дел од автопатот во Северна Калифорнија е затворен откако избувна голем пожар во една од најголемите капацитети за складирање батерии во светот, електраната Мос Лендинг.
Пожарот кој избувна вчера попладне предизвика голем облак црн чад, а немаше знаци дека ќе стивне до вечерта, објавија американските медиуми.
На околу 1,500 луѓе им беше наредено да ја напуштат областа Мос Лендинг и Елхорн Слу.
Објектот, кој се наоѓа на околу 124 километри јужно од Сан Франциско, е во сопственост на компанијата Vistra Energy со седиште во Тексас и содржи десетици илјади литиумски батерии.
Овие батерии се клучни за складирање на енергија од обновливи извори како соларни панели, но може да биде исклучително тешко да се изгаснат пожарите што се појавуваат кога ќе се запалат.
Градските власти не очекуваат пожарот да се прошири надвор од бетонската зграда во која избувна. Се уште не е позната причината за последниот пожар.
Ново на Сител
-
Складовите на Македонски шуми претворени во депо за стари и хаварисани возила
-
Тема на денот со Арбен Таравари
-
Нов протестен марш во Скопје
-
Двојни стандарди за ЕУ интеграции
-
Младите помеѓу реалноста и можностите
-
Протестен марш во Скопје
-
ВМРО-ДПМНЕ: Коцевски штител лични интереси
-
Новата комора на трговци утре до владата ќе ја прати листата со продукти кои треба да поевтинат