Почна втората фаза од реконструкцијата на влезот и излезот на Штип
Општина Штип и ЈП за државни патишта од денеска продолжуваат со втората фаза од проектот за уредување на влезот во Штип кај Кампус 4, иноформира портаролот на Општина Штип, Драган Ристов.
- По асфалтирањето на кружниот тек на влезот во Штип во населбата Железничка, во тек се градежни зафати за асфалтирање на сообраќајницата која води до подвозникот кај Кампус 4. Се поставува нов слој на асфалт, а истовремено патот се проширува онолку колку што условите го овозможуваат тоа. Со тоа влезот на Штип при доаѓање од Скопје или Велес ќе биде среден, а сообраќајницата комплетно обновена до јазолот каде се раздвојува патот за Скопје и кон приградската населба Три Чешми, вели Ристов.
Тој додава дека се очекува до крајот на оваа работна недела да биде асфалтирана сообраќајница, која е влез и излез на градот Штип. Проектот е вреден околу 9 милиони денари или повеќе од 145.000 евра.
Во трета фаза предвидена е реконструкција на тротоари за што општината има предвидено буџет од над 50.000 евра. Со изградбата на новите тротоари ќе се реши проблемот со безбедноста на студентите кои наставата ја следат на факултетите во Кампус 4 на универзитетот „Гоце Делчев“.
Ново на Сител
-
Кај 17 угостителски објекти со активна лиценца утврдени неправилности, 9 останаа без лиценца
-
Дваесетина од повредените во пожарот во Кочани ќе бидат една до две години на рехабилитација
-
СДСМ бара оставка од Таравари за случајот со пациентот кој почина на државната кардиохирургија
-
Казни до 10 илјади евра ако трговците не ги објават цените на производите на интернет
-
Кафанџиите во центарот на градот ќе плаќаат 5 денари дневно за закуп
-
КСЗД: Државните институции ги дискриминираат граѓаните, од приватниот сектор се плашат да пријават неправилности
-
ВРЕДИ на итна средба
-
Дали за ВМРО-ДПМНЕ и ЗНАМ е прифатливо Таравари да остане во владата, ако излезе од ВРЕДИ?