По повеќе од десет години М-НАВ ќе школува нова класа контролори на летање
По повеќе од десет години М-НАВ ќе школува нова класа контролори на летање. Македонската навигација потпиша договор со Глобал АТС Данска, компанија што ќе ги обучува првите пет кандидати за обласни контролрори на летање.
Од М-НАВ за МИА соопштија дека обуката на овие кандидати ќе се спроведе во Копенхаген, од 19 февруари до средината на јули годинава, во Центарот за обука „Глобал АТС Данска“ што е сертифициран од страна на Данската агенција за цивилно воздухопловство во согласност со ЕУ регуларивата 2015/340.
Се очекува кандидатите во текот на 2020 година да се стекнат со дозволи за контролори на летање и да може самостојно да работат. Договорот го потпишаа претседателот на управниот одбор на М-НАВ и извршен директор на Секторот за воздухопловна навигација, Николче Тасески, и основачот и косопственикот на Глобал АТС Данска, Дирк Јанс.
-Воздушниот сообраќај во Република Македонија последниве две години бележи двоцифрен раст, а и актуелните статистики и предвидувања укажуваат дека сообраќајот ќе продолжи да расте. Токму заради тоа, за да одговори на предизвиците кои ги носи растот на сообраќајот, давателот на услуги во воздушниот сообраќај, М-НАВ, по повеќе од десет години спроведува процес на селекција и обука на нови контролори на летање, појаснуваат од М-НАВ.
Од македонската навигација информираат дека во текот на оваа година М-НАВ планира да ја упати на обука и втората група кандидати за контролори на летање во сертифициран центар за обука, што повторно ќе биде избран преку процес на јавна набавка.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ