Пентагон: Антимуслиманската реторика ја поткопува американската национална безбедност

Пентагон денеска предупреди да не се даваат изјави што ги потхрануваат тврдењата на џихадистичката група Исламска држава дека САД се во војна со исламот, пренесоа британските медиуми.

-Сето она што ги потхранува тврдењата на ИД и ги насочува САД против муслиманската вера, не само што во спротивност со нашите вредности, туку е во спротивност и со нашата национална безбедност, изјави портпаролот на Пентагон Питер Кук.

Коментарот претставува индиректна критика на изјавата  на републиканскиот претендент за Белата куќа, Доналд Трамп, кој предложи на муслиманите да им се забрани влезот во САД, забележаа британските медиуми.