Паника меѓу населението по најавите за напади врз нуклеарката Запорожје
Од регионот околу нуклеарната централа Запорожје локалното население почна да бега откако обвинувањата и од руска и од украинска страна предизвикаа паника кај Украинците, пренесува Скај Њуз, додавајќи дека Русија, сепак, направи преседан со тоа што ја минираше браната Каховка.
Според извештаите од теренот, паниката била засилена со руските тврдења на блогерите дека Украинците планирале да ја нападнат централата бидејќи кога Русите ги обвинуваат Украинците дека се подготвуваат да направат нешто, тоа може да биде знак дека тие се подготвуваат сами да го направат тоа, како во случајот со Каховка.
Покрај тврдењата на блогерите и коментарите на украинскиот претседател Володимир Зеленски за „можен експлозив“ виден на покривот на централата, руски нуклеарен советник кажа дека украинскиот напад врз електраната се очекува во текот на ноќта на 5 јули.
Скај Њуз објави дека токму овие најави предизвикале голем број Украинци ненадејно да ја напуштат земјата. Редиците на граничниот премин со Молдавија се протегаат на повеќе од три километри, што е состојба каква што не е видена со месеци.
Извори на британскиот медиум посочуваат дека во последните неколку дена и неколку руски војници и експерти се повлекле од централата.
Ново на Сител
-
Почина бебе на Детска Клиника - Телото е на обдукција, вонреден надзор во понеделник
-
„Конти“ - Лесна заработка или тешка измама?
-
За состојбата на државниот буџет - Гостинка во вестите Гордана Димитриевска Кочоска, министерка за финансии
-
Бугарското МНР со порака до Скопје: Процесот на интеграција се заснова на заслуги, посредувањето не е дозволено
-
БиХ брои жртви по катастрофалните поплави
-
Можни ли се поплави во Македонија како во Босна и Херцеговина?
-
Партиски препукувања додека струмичани немаат вода за пиење
-
Тема на денот со Владимир Божиновски, политички аналитичар