Општина Чашка ги поддржува болните од пулмонална хипертензија
Општина Чашка во соработка со Асоцијацијата за пулмонална хипертензија „Момент плус“ на Република Македонија и Спортско планинарското друштво „Зелен рај“ од Велес на 21 и 22 мај организира планинарско искачување на врвот Кадиица, висок 1.500 метри.
На денешната прес-конференција градоначалникот на општина Чашка Горан Пановски информира дека веќе втора година ги поддржуваат членовите на оваа Асоцијација.
- Ја продолжуваме хуманоста кон болните од оваа ретка болест, а со цел да ги поттикнеме и останатите институции и општини во земјава за помош и поддршка на овие наши сограѓани во битката за подобро здравје, потенцира Пановски.
Ѓургица Ќаева, претседател на Асоцијацијата „Момент плус“ искажа благодарност до општина Чашка за поддршката и хуманоста.
- Нашата болест е таква што ние на моменти буквално остануваме без здив и без кислород, а општина Чашка има чист воздух и кислород за сите нас. Затоа се надевеме дека во иднина државата ќе ни помогне токму во еколошки чистата општина Чашка да се направи наш рехабилитациски центар, за подобро здравје и лекување на сите наши членови болни од оваа болест во земјава, потенцира Ќаева.
Ново на Сител
-
Внатрепартиски избори за претседател на СДСМ – тројца кандидати
-
Агелер: Нема репреговарање на Договорот од Преспа и напредокот кон ЕУ
-
Детектор: Македонските граѓани сакаат членство во ЕУ, но не по цена на Бугари во Уставот
-
Бугарија задоволна од пописот во Албанија, Грција бара почитување на малцинствата
-
Со 250 милиони евра годишно ќе се развиваат општините
-
Жителите на Оревоец судски и со блокади против ископ на материјал од страна на Бехтел и Енка
-
Велосипедистите бараат патека за поврзување на Охрид - Струга
-
Преглед на вестите од светот