Објавени имињата на сите жртви во несреќата во која загина Коби Брајант
Иако полицијата на Лос Анџелес чека официјални информации од истрагата и не ги објавува имињата на загинатите во хеликоптерската несреќа во која загина Коби Брајант, роднини и блиски на жртвите веќе се простуваат од нив на социјалните мрежи, а нивниот идентитет го открија и повеќе медиуми.
Во тешката хеликоптерска несреќа што се случи вчера во Калифорнија загина еден од најдобрите кошаркари во историјата на тој спорт Коби Брајант. Имаше 41 година.
Покрај него, загинаа уште осум луѓе, меѓу кои и неговата 13-годишна ќерка Џиана.
Во несреќата загина и нејзината соиграчка од кошаркарската екипа Алиса. Со неа биле и нејзините родители Џон Алтобели и Кери Алтобели. Џон Алтобели имал 56 години, а работел како тренер по безбол на еден колеџ во Оринџ Каунти. Тој и сопругата ја придружувале ќерката на натпреварот, кој требало да се одржи напладне
Ќерката на Брајант, Џиана и Алиса заедно играле кошарка за Мамба академијата. Алтобели редовно патувал на натпреварите на својата ќерка.
Меѓу загинатите е и тренерка по кошарка во едно приватно училиште во Оринџ Каунти.
– Децата и јас сме скршени. Ја загубивме нашата прекрасна сопруга и мајка. Ве молиме да ја почитувате нашата приватност. Ви благодарам на вашата поддршка, многу ни значи, напиша нејзиниот сопруг на Фејсбук.
Според Си-би-ес, во несреќата загинале и Сара Честер и нејзината ќерка Пејтон.
Пилoтот бил Ара Зобајан.
Ново на Сител
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите
-
Бугарија бара Бугари и меѓу Македонците муслимани на Косово
-
Проекција на НБРМ: Намален раст и забавена инфлација – Цените на храната двојно повисоки од светските
-
Загрижувачка е состојбата со алергии кај децата
-
Студентите на Правен при УГД-Штип симулираа Европски парламентарни избори