Нова книга за Скопје од Данило Коцевски
На „Скопско лето“ вечер во Музеј на Град Скопје од 20 часот ќе биде промовирана книгата „Скопски легенди“ од Данило Коцевски, во издание на Дирекцијата за култура и уметност на Скопје.
Со своите текстови и книги Коцевски (1947) стана еден од најпознатите хроничари на Скопје од крајот на 20-тиот и почетокот на 21 век. Рецензентката на неговата најнова книга, писателката Весна Ацевска, пишува дека и овојпат Коцевски отвора широка слика од речиси целокупната историја на Скопје - античкиот, средновековниот, османлискиот, периодот на балканските и Првата светска војна.
- Во тој контекст, авторот посебна нагласка става врз периодот помеѓу двете светски војни и на предземјотресното Скопје кое во еден општ термин се опфаќа како феномен на Старо Скопје. Но тука се опфатени и феномените, настаните и случувањата по скопскиот земјотрес со многуте специфики од тогашниот живот. Коцевски прави и една синтеза бидејќи пишува и за современото Скопје кое на еден или на друг начин го продолжува урбаниот дух на градот, пишува Ацевска во рецензијата.
Во книгата е одбегнато досегашното визуелно претставување на Скопје преку фотографии на објекти и архитектура, и се донесуваат раритетни фотографии директно земени и зачувани во семејните албуми.
- Така на пример се откриваат интересните животни судбини, животописи, но и непознати фотографии од основачот на скопската зоолошка градина и членовите на неговото семејство, преписката на големиот писател Томас Ман со Скопје и професорката на скопскиот факултет Аница Ребац, присуството во Скопје за време на Првата светска војна на две личности помалку понати кај нас, лејди Вимборн, тетката на Винстон Черчил, како и познатата хуманистка и медицинарка лејди Пеџет која на крајот од 1914 година формирала болница во скопската гимназија „Идадија“ и несебично им помагала на скопјаните за време на војната..., открива рецензентката Ацевска.
На филмската програма „Кафе кино“ во рамки на „Скопско лето“, во ФЛУ - Сули ан вечер од 21 часот ќе биде прикажан американскиот трилер „Автопат на смртта“ (Collide) од 2016 година, во режија на Ирен Криви.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп