Нов протест на „Еурокомпозит“ за крајно решавање на повеќегодишниот проблем со компанијата
Работниците прогласени технолошки вишок од прилепски „Еурокомпозит“ повторно на протест во центарот на Прилеп со барање крајно да се реши нивниот долгогодишен проблем. Потсетуваат, велат на најавите од вицепремиерот Кочо Анѓушев на средбата од 30 март во Прилеп дека ќе стигне странски инвеститор и ќе почне да се разрешуваат проблемите.
Според Пеце Велјаноски од Инцијативниот одбор на 154-ата работници прогласени за технолошки вишок најважно им е да се реализираат ветувањата, а и да се донесе закон за решавање на исплатата на заостанатите плати, придонеси и отпремини.
-Упатуваме уште еден апел до Владата да се одважи да донесе закон за претворање на побарувањата по основ на јавни давачки во траен влог во „Еурокомпозит“, да ги исплати придонесите и заостанатите плати и отпремнините. А кога ќе се продаде фирмата, нека си ги наплати овие средства што е единствен услов за фирмата да продолжи со работа. Не случајно го споменуваме Законот што се донесе за исплата на лозарите за продаденото грозје во приватна компанија. Го потсетуваме премиерот дека јавно при крајот на јануари кажа дека, ако до крајот на февруари не се најде купувач, Владата ќе донесе закон што со три милиони евра ќе се обесштетат вработените. Го повикуваме и прилепскиот градоначалник Илија Јованоски, заедно со пратениците од позицијата и од опозицијата да придонесат овој повеќегодишен проблем конечно да се разреши, рече Велјаноски.
Цветан Бунтески од Иницијативниот одбор вели дека денеска имале средба со директорот на компанијата повторувајќи ги владините најави, но и најавува дека работниците утре ќе се упатат на протест во Скопје.
-Денеска имавме средба со генералниот директор на „Еурокомпозит“. Тој ги повтори истите ветувања што ги имавме со премиерот и вицепремиерот во Прилеп на 30 март. До петокот ни беше ветено дека ќе се исплати отпремнина преку договорот спомнат со странскиот партнер, Но немаме никаква потврда на тоа, ниту верба дека нешто се решава. Утре ќе заминеме на протест во Скопје, па можеби и ќе имаме некоја среќа, вели Бунтески.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд