Независниот синдикат на камионските транспортери бара мерки за поголема безбедност на пешаците и велосипедистите во Скопје
Независниот синдикат на камионските транспортери на Македонија – НСКТМ МАКАМТРАНС бара надлежните итно да преземат мерки за зголемување на безбедноста на пешаците и на велосипедистите во Скопје со воведување драконски казни за оние што ги узурпираат тротоарите и коловозмите ленти.
-Кога станува збор за безбедноста во сообраќајот во Скопје најнебезбедни се возачите на велосипеди и пешаците и покрај тоа што поголемиот дел од градот има точно определени и обележани патеки за возење и секако пешачки патеки. И покрај присуството на огромен број полицајци во градот речиси целиот пешачки простор е узурпиран од непрописно паркирани возила. Има оставени возила дури и на коловозните ленти што во Законот се апсолутно забранети за застанување, а камоли за паркирање, вели Страшо Јованов, претседател на Независниот синдикат на камионски транспортери на Македонија МАКАМТРАНС.
Според него, градоначалниците се најголемите узурпатори на пешачките патеки и на патеките за велосипеди, особено во централното подрачје.
– Некои од нив имаат направено дури и паркинзи на делови од сообраќајните коловозни ленти. Тоа е надвор од умот, но и надвор од законот. За да се зголеми безбедноста на пешаците и возачите на велосипеди мора да се воведат драконски казнени одредби за узурпаторите, вели тој.
Надлежно министерство за оваа проблематика, потенцира, е Министерството за транспорт и врски, до кое тој двапати поднел претставка, а не добил одговор.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден