-->
-->
НБА:Прва титула за Кливленд
-->
Кошаркарите на кливленд Кавалирс со историски пресврт ја освоија првата НБА титула во клупската историја. Тимот од Охајо победи во мајсторката против Голден Стејт 93-89, со што стана првата екипа во НБА историјата која надоместила негатива од 1-3 во победи.
Кливленд до титулата го носеше Леброн Џејмс, кој ја освои својата третата титула во кариерата (првите две со Мајами), тој натпреварот го заврши со 27 поени, 11 скокови и 11 асистенции, поен помалку постигна Кајри Ирвинг кој во последната минута ја погоди клучната тројка за водство на својот тим 89-92.
Тренерот на Кавалирс, Тајрон Лу, стана 14-от тренер кој титулата ја освоил и како играч и како тренер. Лу на половина од сезоната на тренерската функција го замени Дејвид Блат.
Леброн Џејмс го доби признанието за најкорисен играч во големото финале, на седумте натпревари тој оствари просечни 29,7 поени, 11,3 скока и 8,9 асистенции.
Кавалирс со оваа титула го тргнаа „проклетството“ на градот кој од 1964 година (НХЛ титула за Кливленд Браунс), немаше шампионски трофеј во некој од професионалните спортови во САД.
Кај Голден Стејт, кој во регуларниот дел од сезоната забележа 73 победи и само девет порази, брилијантен меч одигра Дрејмон Грин (32 поени, 15 скокови, девет асистенции), но тој не доби вистинска поддршка од соиграчите.
Најдобриот играч на тимот Стеф Кари постигна 17 поени но со лош процент на реализиција (тројки 4/14), а премногу не се истакна ниту Клеј Томпсон (14 поени).
-->
-->
-->
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас