Најмалку четворица загинати при несреќа во рудник во Турција
Спасувачките екипи извадија уште едно тело од турскиот рудник за бакар, со што бројот на жртвите се искачи на четворица.
- Спасувачката операција за откривање на другите 12 рудари продолжува, изјави шефот на турската Агенција за справување со кризи Халис Билден, додавајќи дека има мала веројатност тие да се живи.
Рударската несреќа се случи при уривање на сводот во рудник во близина на градот Ширван во југоисточната турска провинција Сирт.
Гувернерот на провинцијата изјави дека истрагата за инцидентот е во тек. Според властите, уривањето е предизвикано од лизгање на земјиштето причинето од обилни врнежи.
Во 2014 година, 301 рудар загинаа при пожар во рудник за јаглен во Сома, во западна Турција. Тоа беше најсмртоносната индустриска несреќа во турската историја.
Најновата несреќа уште еднаш го отвора прашањето за безбедноста на работниците во турските рудници.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица