МНР: На барање на Подгорица откажана посетата на министерот Радуловиќ на Скопје
На иницијатива на Министерството за надворешни работи на Црна Гора, беше договорено посета на шефот на црногорската дипломатија Ѓорге Радуловиќ на Скопје, која првично требаше да се реализира утре. Подоцна, иницијативата од нивна страна беше повлечена, а реализацијата на посетата е оставена за друг термин што дополнително подоцна ќе се договори, потврдија од МНР за МИА.
Дел од македонските медиуми денеска јавија дека црногорскиот премиер Здравко Кривокапиќ „ја прекинал посетата“ на Радуловиќ на Македонија, бидејќи, како што наведуваат, министерот застанал на страната на коалициски партнер кој повеќе не ја поддржува неговата Влада.
Шефот на црногорската дипломатија требало да се сретне со македонскиот државен врв во Скопје, но сите средби се откажани и тој, како што наведуваат дел од медиумите, „морал да се врати од Скопје во Подгорица“. Медиумите јавуваат и дека Радуловиќ им се извинил на домаќините и ја оценил одлуката на премиерот како „лична, непримерна и непрофесионална“.
Ново на Сител
-
Владата најавува нова модерна опрема за Армијата
-
Зградата во Чаир се уште небезбедна – Обвинителството чека услови за да почне истрага
-
Одложени следните две рочишта за убиствата на Вања и Панче – обвинетиот Видевски се уште е на нефрологија
-
Кривична пријава за шест затворски полицајци од Идризово - помогнале во бегство на група осуденици
-
Еден осуденик државата ја чини 10 илјади евра годишно
-
И Министерството за економија и труд мета на хакерски напад
-
Божиновска: Ќе најдеме излез од енергетската катастрофа
-
Божиновска: Владата прави напори да имаме мирна зима на енергетски план