Министерот Кучи се сретна со амбасадорката Алтхаузер
Министерот за економија Дритон Кучи денеска имаше средба со амбасадорката на Сојузна Република Германија во Македонија Кристине Алтхаузер.
На средбата беше истакната одличната соработка меѓу двете пријателски земји, како на економски, така и на политички план, соопшти Министерството за економија.
Заблагодарувајќи се на поддршката што Германија постојано ја дава на Македонија, министерот Кучи информираше дека и покрај политичката криза, првите шест месеци од оваа година имаме прилив од 123 милиони евра странски инвестиции, кои се скоро два пати повеќе во споредба од со иститот период во минатата година.
- Очекуваме до крајот на годината, бројот и вредноста на странските инвестиции да се зголеми, а со тоа и вработеноста, рече министерот Кучи, додавајќи дека Македонија има идеални услови за германските инвеститори, кои можат да се приклучат во изградба на дел од проектите, особено од сферата на енергетиката.
Амбасадорката Алтхаузер, информираат од Кабинетот на Кучи, во текот на средбата на министерот за економија му врачи покана за учество на Регионалниот економски форум на Комитетот за Источноевропски економски односи на германското стопанство, што ќе се одржи на 27 и 28 октомври во Будва, форум кој е дел од Берлинскиот процес.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден