Ин мемориам: Почина уште еден македонски амбасадор

По кратко боледување, синоќа почина амбасадорот Ѓорѓи Аврамчев, претседател на Дипломатскиот совет на ЛДП, борец за човекови права и нејзин истакнат член, соопшти денеска ЛДП.

Амбасадорот Ѓорѓи Аврамчев дипломирал на „Deere“ колеџот во Атина, Грција, 1972-1975, а магистрирал во периодот од 1976-1978 на Northeastern University, Бостон, Масачусетс, САД. Беше докторант на Филозофскиот факултет при Универзитетот “Св. Кирил и Методиј“ во Скопје.

Во минатото извршувал значајни функции како амбасадор и постојан претставник на Република Македонија во Канцеларијата на Обединетите Нации (ОН) и Светската Трговска Организација (СТО) во Женева, Швајцарија, бил советник во општина Кисела Вода од редовите на ЛДП, советник на министерот за економија и на директорски позиции на повеќе приватни компании. Последна функција која ја извршуваше беше главен извршен директор на кошаркарскиот клуб „Работнички“ од Скопје од 2013-та до 2015-та година.

Посмртните останки ќе бидат изложени утре во 12 часот во капелата на Градските гробишта „Бутел“.