Масуд Барзани се повлекува од функцијата претседател на Ирачки Курдистан
- Претседателот на автономниот курдски регион во Ирак, Масуд Барзани денеска најави дека се повлекува од функцијата, поради последиците од контроверзниот референдум за независност на Ирачки Курдистан.
- По 1 ноември, јас веќе нема да ги извршувам моите функции и одбивам продолжување на мојот мандат, се вели во писмо на 71-годишниот Барзани. прочитано во Парламентот на Ирачки Курдситан во Ербил.
Барзани, кој е архитектот на гласањето за независност на 25 септември, вели дека „промена на закононите за претседателот Курдистан или продолжување на претседателскиот мандат не е прифатливо“.
По референдумот, ирачките владини сили ги потиснаа курдските борци од спорни територии богати со нафта.
- Го молам Парламентот да се состане за да го пополни слободното место, да ја исполни мисијата и да ги преземе овластувањата на претседателот на Курдистан, се додава во писмото.
Барзани нагласува дека „ќе остане пешмерга (курдски борец) во редовите на народот на Курдистан и ќе продолжи да ги брани постигнувањата на народот на Курдистан".
Парламентарната седница се одржа денеска зад затворени врати поради „чувствителноста на прашања" за кои ќе се дискутира, соопшти Парламентот
Ново на Сител
-
Роналдињо стана косопственик на американски клуб
-
Лига на нации: Македонија убедлива на гостувањето кај Летонија
-
Најмалку 10 жртви од ураганот Милтон на Флорида
-
Бајден и Харис со остри критики до Трамп за лажните тврдања околу одговорот на владата по катастрофалните урагани
-
Делегација на ЕУ: Ја нагласуваме важноста од континуирано спроведување на Охридскиот договор
-
Шефот на НАТО: Не грижете се ако евентуално победи Трамп на изборите во САД
-
Бројот на диви животни за 50 години се намалил за 73 отсто
-
Малолетници ограбени во Центар - им се заканиле со нож