Лидерите од Азиско-пацифичкиот регион по Анталија, се собраа во Манила
Лидерите на 21 држава од регионот на Азија и Пацификот, меѓу кои и се претседателите на САД и Кина, Барак Обама и Си Џинпинг, денеска пристигнаа во Манила, каде ќе се одржи Самитот на организацијата на Азиско-пацифичката економска соработка (АПЕК), посветен на економските односи, технолошкиот развој и мерките за намалување на емисиите на штетни гасови.
На Самитот на АПЕК не допатуваа претседателот на Русија, Владимир Путин и на Индонезија, Јоко Видодо. Единаесет од учесниците на собирот на Манила, учествуваа и на Самитот на Г-20 што се одддржа во Анталија.
Самитот на АПЕК ќе го отвори филипинскиот претседател Бенињо Акино, кој денеска за медиумите изјави дека очекува усвојување на документи со кои ќе се забрза технолошкиот развој на малите и средни компании од овој регион, кои учествуваат со повеќе од една третина во вкупната светска размена.
Покрај економските договори, аналитичарите очекуваат и одделни средби на учесниците на кои ќе се разговара за мерките за сузбивање на тероризмот во светот и за актуелните проблеми поврзани со суверенитетот и територијалните барања на државите од овој регион во однос на Јужното Кинеско Море.
Во рамките на подготовките на Самитот, во Манила беа оддржани голем број договорни средби на економски и политички експерти, а завршната декларација вчера ја усогласуваа министрите за надворешни работи на државите-членки на АПЕК.
Ново на Сител
-
Кардиолошки има недостиг од ангиограф
-
Преглед на вестите од светот
-
Извештајот на Светска банка го нарушува имиџот на земјава
-
Тема на денот со премиерот Христијан Мицкоски
-
Македонски Телеком креираше иновативно решение за телемедицина, единствено во регионот
-
Во Велес утре ден на жалост за тројцата загинати во сообраќајката кај Катланово - другите пет лица се тешко повредени
-
Таравари бара директорите на Детска и Козле да преземат мерки за докторите кои направиле превид
-
ВО ЖИВО: Голема полициска акција