Либискиот премиер најави дека ќе поднесе оставка
Либискиот премиер Абдулах ал Тани изјави во телевизиско интервју дека поднесува оставка откако слушнал критики од граѓаните за неефикасност на неговиот кабинет.
- Официјално поднесувам оставка и ќе ја доставам до Парламентот в недела, истакна Ал Тани за телевизијата Канал Либија.
Веднаш по ваквата изјава на либискиот премиер, неговиот портпарол Хатем ал Араиби ја отфрли информацијата дека Ал Тани официјално поднесува оставка.
За време на интервјуто Ал Тани се налутил кога водителот му поставил прашања од гледачи кои упатуваат критики до Кабинетот поради небезбедноста во Либија и непомагање на луѓето кои ги напуштиле своите домови поради ситуацијата во земјата.
Прашан што ќе направи доколку се организираат протести против него, тој одговорил дека нема потреба од собири, бидејќи ќе поднесе оставка од функцијата.
Либија има потреба од гориво и лекови, а безбедносната ситуација се повеќе се влошува.
Владата на Ал Тани, која е меѓународно призната, пред една година замина од Триполи, кога вооружена исламистичка група презеде контрола врз главниот град и формира алтермативни парламент и влада.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите