Кризниот штаб на Град Скопје ја следи состојбата со врнежите
По најавите за поголеми врнежи на дожд, изминатово деноноќие екипи на Штабот за заштита и спасување на Град Скопје, заедно со тимови на јавните градски претпријатија внимателно ја следеа состојбата поради опасност од поплави, пред се на т.н. “црни точки” на неколку локации и подвозници во градот.
Од Град Скопје, информираат дека, иако вчерашните врнежи во Скопје беа обилни и, според УХМ, изнесуваат 71 литри на метар квадратен, на терен на ниту една локација немаше појава на поплавување.
И во наредниов период, се наведува во соопштението, Штабот на Град Скопје ќе ја следи состојбата на терен и доколку има потреба, соодветно ќе интервенира.
По големите дождови и поплави коишто се случија на територијата на Скопје минатата година, Градот во соработка со ЈП “Водовод и канализација” започна голем проект за отстранување на т.н. “црни точки”, каде редовно по поголемите врнежи дожд се случуваа поплави, преку зголемување на капацитетите на постоечката и изградба на дополнителна атмосферска канализација.
Градот Скопје и екипите на ЈП „Водовод и канализација" во изминатиов период ја подобрија атмосферската канализација на надвозникот на булеварот „Гоце Делчев“ (под Стоковната куќа „Мост“), на подвозниците на булеварот „Киро Глигоров“ (кај објектот на „Бриколаж“), кај подвозникот на улицата „Павел Шатев“, на улуцата „Финска“. Во моментов се интервенира и во Ченто каде што со реконструкцијата и проширувањето на улицата „Маџари“ се поставува и нова атмосферска канализација, а се интервенира и на улицата „Боца Иванова” во Бутел, каде се гради нова атмосферска канализација за да се надминат поплавите кај подвозникот.
Вкупната инвестиција за решавање на проблемите на сите 10 критични места е околу 2 милиони евра, потсетуваат од Град Скопје.
Ново на Сител
-
Експерти: ЕУ не може да гарантира дека ќе запрат бугарските барања, потребна е волја за дијалог
-
Мицотакис од Њујорк: Добрососедски односи и почитување меѓународни договори за влез во ЕУ
-
Инспекторите на терен – дали 140 ученици од “Ѓорѓија Пулевски” се затруени со храна?
-
Кривична пријава за поранешниот директор на струмичкиот затвор
-
Законот за нефер трговски практики почнува од утре, поевтинување се очекува за еден месец
-
Пропадна тендерот за пругата кон Бугарија, приоритет ќе биде Коридор 10
-
Приватните превозници ги паркираа автобусите, бараат зголемување на цените за изминат километар
-
Преглед на вестите од светот