Ќе се отстрануваат хаварисаните возила во Тетово
Околу 20 хаварисани возила оставени на јавни сообраќајни или зелени површини во Тетово ќе бидат отстранети следните денови во заедничката акција што ја почнаа денеска екипи на СВР Тетово и Општината.
Како што информира портпаролот на СВР Тетово Марјан Јосифовски. акцијата е во рамки на планираните подготовки пред почетокот на новата учебна година и континуираните активности на СВР Тетово за поголем ред и безбедност во сообраќајот.
Изминатиот период возилата најпрво беа лоцирани, по што беа залепени и известувања со рок од три дена за нивно отстранување.
- Доколку во наведениот рок хаварисаните возила не бидат отстранети од страна на нивните сопственици, полициски и општински екипи ќе постапат според веќе договореното, ќе ги подигнат и транспортираат, а сопствениците ќе треба да платат определен паричен надоместок, изјави Јосифовски.
Според него, слична акција за отстранување на хаварисани возила од јавни и зелени површини ќе биде преземена и во Гостивар. Зависно од состојбите и потребите ваквите активности е можно да продолжат во функција на вкупната сообраќајна безбедност на подрачјето.
Ново на Сител
-
Меџити ја презеде функцијата министер за животна средина и просторно планирање
-
Во пожарот во фабриката за литиумски батерии во Јужна Кореја животот го загубија 22 лица
-
Нова промена на цените на горивата од полноќ
-
Таравари денеска ќе потпише решенија за разрешување на економски директори во Клиничкиот центар
-
Зоран Љутков ја презеде функцијата министер за култура, најавува макотрпна работа и инвестиции
-
Претседателот на Уставниот суд во МВР пријави закани по животот и безбедноста врз уставни судии
-
Од 1 јули Грција воведува 6-дневна работна недела!
-
Јаневска ја презеде функцијата министер за образование и наука, најавува промени креирани врз база на темелна анализа