Канадски пратеник се појави гол на онлајн седница на Парламентот
Член на канадскиот Парламент се појави гол на интернет-седница на Долниот дом. На снимката што стигна и до медиумите, се гледа како политичарот стои зад бирото, меѓу знамето на покраината Квебек и националното знаме на Канада, криејќи ги неговите интимни делови со мобилен телефон.
Се работи за Вилијам Ејмс од Либералната партија, кој го претставува Округот Понтијак во Квебек во Долниот дом од 2015 година.
„Тоа беше несреќна грешка! …Мојата видеокамера случајно се вклучи додека се преслекував, откако се вратив од трчање. Искрено им се извинувам на моите колеги од Долниот дом за ова ненамерно одвлекување внимание. Очигледно е дека таква грешка не треба да се случи“, вели пратеникот во својата електронска изјава потоа.
Поради корона-пандемијата, дел од канадските пратеници присуствуваат на седниците преку видеоврска. Пратеничката Клод Дебелфој од опозициската партија Блок Квебек покрена процедурално прашање во врска со инцидентот и посочи дека парламентарните правила налагаат машките пратеници да носат палто, панталони, кошула и уредно наместена вратоврска.
Претседателот на комората Ентони Рота ѝ се заблагодари на Дебелфој за нејзиното подробно „набљудување“ и опис и иако самиот тој не видел ништо, ги потсети пратениците секогаш да бидат внимателни кога се близу камера или микрофон.
Ејмс можеше да биде виден од другите пратеници и вработени во Собранието само на внатрешната видеоврска. Бидејќи тој не зеде збор, немаше вклучување во живо.
Ново на Сител
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче