Херој од Париз: Ова момче се фрлило на дождот од куршуми за да спаси луѓе

Лудовик Бумбас се наоѓал во кафулето со пријателите, кога терористот отворил оган на гостите. Лудовик, кој пријателите го нарекувале Лудо, веднаш се фрлил пред напаѓачот, но не успеал да ги спаси своите пријателки Худа и Халима Саади.

Приказната за тоа како храброто момче се фрлило пред дождот од куршуми на фанатичните терористи ја објавил Le Parisien. 

"Лудо се фрли за да ја заштити девојката и прими куршум. Сакаше да патува низ светот и ги сакаше луѓето. Беше еден од оние, многу, многу добри луѓе", рекол еден негов пријател.
 

Во нападот на кафулето ""Belle Equope" загинале вкупно 19 лица.

Потсетуваме, во серијата напади во Париз во петокот навечер, меѓу кои бил и нападот на споменатото кафуле, загинале повеќе од 100 лица. Лидерите на државите изјавиле дека овие напади се "напади на човештвото" и ветиле дека Франција ќе ја добие потребната помош.
 

Францускиот претседател Франсоа Оланд, во обраќањето до јавноста прогласил војна, а вчера француските воени сили ги засилиле нападите на метите на Исламската држава.